کراچی (نیٹ نیوز) کراچی میں شہریوں کے تشدد اور فائرنگ سے دو مبینہ ڈاکو ہلاک ہو گئے۔ واقعہ کراچی کے علاقے کورنگی زمان ٹاؤن میں پیش آیا جہاں لوٹ مار کے دوران دو ڈاکوؤں کو شہریوں نے دھر لیا۔ شہریوں کے تشدد اور فائرنگ سے دو ڈاکو شدید زخمی ہو گئے جنہیں تشویش ناک حالت میں ہسپتال منتقل کیا گیا جہاں دونوں دم توڑ گئے۔ ایس ایس پی کورنگی حسن سردار کے مطابق واقعے کی تحقیقات کی جا رہی ہے۔ فائرنگ کس نے کی اور کس سے لوٹ مار ہو رہی تھی۔ تفصیلات حاصل کر رہے ہیں۔