اسلام آباد(خبرنگارخصوصی) پاک فضائیہ کے سربراہ ائیر چیف مارشل ظہیر احمد بابر سدھو نے جنرل فیاض بن حامد الرویلی، سعودی مسلح افواج کے چیف آف جنرل اسٹاف لیفٹیننٹ جنرل ترکی بن بندر بن عبدالعزیز سے ملاقات کی۔ پاک فوج کے شعبہ تعلقات عامہ (آئی ایس پی آر) کے مطابق سربراہ پاک فضائیہ نے سعودی عرب کے دورے کے دوران رائل سعودی ایئر فورس کے سربراہ سے بھی ملاقات کی۔ ان ملاقاتوں میں پاک سعودی دفاعی تعلقات کو مزید فروغ دینے پر توجہ مرکوز کی گئی، خاص طور پر دونوں فضائی افواج کے درمیان مشترکہ فوجی مشقوں اور تکنیکی تعاون کے ذریعے روابط کو فروغ دینے پر اتفاق کیا گیا۔ آئی ایس پی آر کے مطابق دورے کے دوران ائیر چیف کو سعودی مسلح افواج کے چیف آف جنرل اسٹاف نے شاہ عبدالعزیز بیج آف آنر آف دی ایکسیلنٹ کلاس سے نوازا۔