صفائی کے ناقص انتظامات پر 4 افسر معطل ،2کو وارننگ جاری
لاہور(خبرنگار) وزیر اعلیٰ پنجاب مریم نواز کے ویژن ستھرا پنجاب پر عملدرآمد کرتے ہوئے لاہور شہر میں ایل ڈبلیو ایم سی نے خصوصی صفائی ایکٹیویٹیز کا آغاز کر دیا ہے۔ سی ای او ایل ڈبلیو ایم سی بابر صاحب دین کے شہر بھر میں ہنگامی دورے جاری ہیں۔ شاہدرہ میں صفائی انتظامات کے جائزے کے دوران تمام ایریاکو زیرو ویسٹ کرنے کیلئے 24 گھنٹے کا الٹی میٹم دیدیا۔ سعید پارک میں بہترین صفائی انتظامات پر ورکرز کو شاباش دی۔
