شیخوپورہ(نمائندہ خصوصی) تھانہ صفدر آباد کے علاقہ گائوںمومن میں چند روز قبل فائرنگ سے زخمی ہونیوالا نوجوان الائیڈ ہسپتال فیصل آباد میں زخموں کی تاب نہ لاتے ہوئے دم توڑ گیا بتایا گیا ہے کہ اللہ دتہ نے ملزمان آصف عرف بلا وغیرہ کو گائوں مومن میں منشیات فروشی سے منع کیا تھا جس پر انہوںنے فائرنگ کر کے اللہ دتہ عرف عمران کو شدید زخمی کردیا اور انہیں مخدوش حالت کے پیش نظر الائیڈ ہسپتال فیصل آباد ریفر کیا گیا جہاں پر وہ زخموں کی تاب نہ لاتے ہوئے دم توڑ گیا صفدرآباد پولیس مصروف تفتیش ہے۔