فیروز والہ : پتنگ بازوں کیخلاف کریک ڈائون ‘85افراد گرفتار
فیروزوالہ( نامہ نگار) سرکل فیروز والا اور ڈسٹرکٹ شیخوپورہ پولیس نے گڈی، ڈوریں بنانے فروخت کرنے اور اڑانے والوں کیخلاف کریک ڈاؤن کے دوران 85افراد کو گرفتار کر کے بھاری تعداد میں پتنگیں اور ڈوریں برآمد کر لی۔فیروز والہ پولیس نے مختلف مقامات پر چھاپے مار کر متعدد پتنگ بازوں کو گرفتار کر لیا ‘قبضہ سے ڈوریں پتنگیں اور دیگر الات قبضہ میں لے لئے۔ پولیس نے فلائنگ ایکٹ کی خلاف ورزی اور ہوائی فائرنگ کرنے پر متعدد افراد کو گرفتار کر کے سینکڑوں پتنگیں اور کیمیکل ڈوریں کی چرخیاں برآمد کرلی۔ امامیہ کالونی، رانا ٹاؤن، رچنا ٹاؤن، ونڈالہ اور دیگر علاقوں میں سرچ آپریشن کر کے متعدد پتنگ بازی اور پتنگ فروخت کرنیوالے افراد کو حراست میں لے لیا جبکہ ہوائی فائرنگ کرنے پر دو افراد کو حراست میں لے کر ناجائز اور لائسنسی اسلحہ بھی قبضہ میں لے لیا۔ پولیس نے مقدمات درج کر لئے ۔ مرید کے سرکل پولیس نے مختلف مقامات پر چھاپے مار کر پتنگ بازی کرتے ہوئے چھ افراد کو گرفتار کر کے پتنگیں اور کیمیکل ڈور قبضہ میں لے لی ۔پولیس نے ملزمان کے خلاف مقدمات درج کر لئے۔ سٹی سرکل پولیس نے مختلف مقامات پر کاروائی کرتے ہوئے 45 افراد کو گرفتار کرکے قبضہ سے ڈوریں اور پتنگیں برآمد کر لی۔ پولیس نے بعض ملزمان سے ناجائزاسلحہ بھی برآمد کر لیا۔
