لاہور(نامہ نگار)ایس پی سٹی ڈویژن کیپٹن ریٹائر قاضی علی رضا نے اہم مقامات کے سکیورٹی انتظامات کا جائزہ لیا۔انہوں نے تفریحی مقامات پر لگی ڈیوٹی اور انسداد پتنگ بازی ٹیموں کو چیک کیا۔دوران وزٹ گریٹر اقبال پارک کے داخلی اور خارجی راستوں کی چیکنگ کے عمل کا جائزہ لیا اورڈیوٹی پر مامور اہلکار اور افسران کو ہائی الرٹ رہنے کی ہدایت کی۔انہوںنے کہا کہ پتنگ بازی کو کنٹرول کرنے والی ٹیموں کو چیک الرٹ اور بریف کیا۔ پتنگ بازی اور اس کی خرید و فروخت کرنے والوں کو فوری گرفت میں لائیں۔پتنگ بازی کے انسداد کے لیے آگاہی مہم اور بلند عمارتوں پر چڑھ کر کڑی نگرانی کی جا رہی ہے۔ سیر و تفریح کیلئے آنے والے افراد کو سخت چیکنگ کے بعد داخل ہونے کی اجازت دیں۔چھٹی کے روز تمام تفریحی مقامات  کی حفاظت کو یقینی بنایا گیاہے۔