لاہور( این این آئی) پنجاب پولیس نے خطرناک اشتہاری کو 20سال بعد گرفتار کر لیا ، ملزم کو سعودی عرب سے پاکستان واپس لایا گیا ۔ملزم عابد حسین نے 2004 ء میں تھانہ سوہدرہ میں شہری کو گولی مار کر قتل کیا تھا،ملزم واردات کے بعد روپوش ہو کر بیرون ملک فرار ہوگیا تھا۔ ترجمان کے مطابق پنجاب پولیس سپیشل آپریشن سیل کی ٹیم نے انٹرپول سے ملزم کا ریڈ نوٹس جاری کروایا ۔ ملزم کو ٹریس کرکے سعودی عرب سے گرفتار کروایا گیا ، قانونی تقاضے پورے کرنے کے بعد اشتہاری کو پاکستان منتقل کر دیا گیا۔ رواں برس بیرون ملک سے گرفتار خطرناک اشتہاری ملزموں کی مجموعی تعداد 14 ہوگئی۔