لاہور(سپورٹس رپورٹر) نیوزی لینڈ کرکٹ کا 2 رکنی سکیورٹی وفد اسلام آباد پہنچ گیا ۔لاہور وفد میں نیوزی لینڈ پلیئرز ایسوسی ایشن کے ہیتھ ملز اور آزاد سکیورٹی ماہر رگ ڈیکاسن شامل ہیں ۔پہلے مرحلے میں وفد نے گزشتہ روز اسلام آباد اور راولپنڈی میں انتظامات کا جائزہ لیا۔ وفد ٹیم ہوٹل اور پنڈی سٹیڈیم بھی جائے گا اعلی سطحی بریفنگ بھی دی جائےگی۔ وفد راولپنڈی کرکٹ سٹیڈیم میں پی ایس ایل کا میچ بھی دیکھے گا۔ وفد پی ایس ایل کی سکیورٹی اور روٹس کا جائزہ بھی لے گا۔ دوسرے مرحلے میں وفد کل لاہور میں انتظامات کا جائزہ لے گا ٹیم ہوٹل اور سٹیڈیم کا دورہ شیڈولڈ ہے ۔ نیوزی لینڈ نے اپریل میں پانچ ٹی ٹونٹی میچز کی سیریز کیلئے پاکستان کا دورہ کرنا ہے ۔ دورے سے قبل سکیورٹی وفد کا انتظامات کا جائزہ لینا معمول کی بات ہے ۔ مجوزہ شیڈول کے مطابق نیوزی لینڈ کی ٹیم 14 اپریل کو پاکستان پہنچے گی ۔ 28 اپریل تک جاری رہنے والے دورے میں پہلا ٹی ٹونٹی میچ 18 اپریل کو ہو گا ۔پہلے مرحلے میں تین میچز راولپنڈی اور دوسرے مرحلے میں دو میچز لاہور میں تجویز کئے گئے ہیں