آرمی چیف کی وزیراعظم سے ملاقات میں ٹیکسلا میں حیدر ٹینک پراجیکٹ کی نقاب کشائی میں شرکت
اسلام آباد(خبرنگارخصوصی) وزیراعظم محمد شہباز شریف سے چیف آف آرمی سٹاف جنرل سید عاصم منیر نے بدھ کو وزیراعظم ہاو¿س میں ملاقات کی۔ وزیراعظم آفس کے میڈیا ونگ کی طرف سے جاری بیان کے مطابق آرمی چیف نے وزیراعظم کو منصب سنبھالنے پر مبارکباد دی اور نیک خواہشات کا اظہار کیا۔ ملاقات میں پاک فوج کے پیشہ ورانہ اور سیکیورٹی سے متعلق امور پر بات چیت ہوئی۔ علاوہ ازیں آرمی چیف جنرل سید عاصم منیر نے ہیوی انڈسٹریز ٹیکسلا کا دورہ کیا۔ آئی ایس پی آر کے مطابق آرمی چیف نے حیدر ٹینک پائلٹ پراجیکٹ کی رول آوٹ تقریب کے مہمان خصوصی تھے۔ تقریب میں چین کے سفیر، چینی سرکاری کمپنی نورینکو کے اہم حکام، حکومت پاکستان، پاک فوج کے اعلی حکام اور ایچ آئی ٹی کے حکام نے بھی شرکت کی۔ تقریب کے دوران ایچ آئی ٹی نے اپنے نئے ٹینک حیدر کی نقاب کشائی کی۔ ٹینک کو نورنکو چین اور پاکستان کی مختلف صنعتوں کے اشتراک سے مقامی طور پر تیار کیا گیا ہے۔حیدر ٹینک وارفیئر کے میدان میں جدید ترین ٹیکنالوجی اور متاثر کن صلاحیت کا حامل ہے جس میں قابل ذکر فائر پاور، تحفظ اور تدبیر کی خصوصیات ہیں۔جدید ترین جدید ٹیکنالوجیز کے ساتھ تیار کردہ حیدر ٹینک پاکستانی دفاعی صنعت کی دفاعی صلاحیت کارکردگی کے انتھک جستجو کے ثبوت ہے۔ آرمی چیف کو حیدر ٹینک کی تکنیکی صلاحیتوں اور اسلحے میں ملکی ترقی کے حصول میں ہونے والی پیش رفت کے بارے میں تفصیل سے آگاہ کیا گیا۔ آرمی چیف نے ہیوی انڈسٹریل کمپلیکس کے اندر دیگر مینوفیکچرنگ سہولیات کا بھی دورہ کیا۔آرمی چیف نے تکنیکی سنگ میل کی کامیاب کامیابی میں افسران اور افرادی قوت کے عزم کو سراہا۔ قبل ازیں آمد پر چیئرمین ایچ ای ٹی نے آرمی چیف کا استقبال کیا۔
