نوشہرہ ورکاں: پیشی سے واپسی پر مخالفین کی فائرنگ‘ 2 بھائی قتل
نوشہرہ ورکاں+تتلے عالی (نمائندہ نوائے وقت+نامہ نگار) مخالفین کی فائرنگ سے دو سگے بھائی قتل‘ تفصیلات کے مطابق تھانہ تتلے عالی کے گا¶ں تنگ کلاں کے قریب دو سگے بھائیوں 30 سالہ تجمل حسین اور 27 سالہ غلام غوث پسران ظفر اقبال سکنہ کالا خطائی تحصیل مریدکے کو مخالفین نے فائرنگ کر کے قتل کر دیا۔ مقتولین موٹر سائیکل پر تحصیل کچہری نوشہرہ ورکاں سے تاریخ بھگت کر واپس جا رہے تھے کہ تنگ کلاں کے قریب کار سوار افراد نے ان پر فائرنگ کر دی جس سے دونوں موقع پر ہی جاں بحق ہو گئے۔لاہور سے نامہ نگار کے مطابق آئی جی عثمان انور نے نوشہرہ ورکاں میں دو بھائیوں تجمل اور غلام غوث کی ہلاکت کے واقعہ کا نوٹس لیتے ہوئے آر پی او گوجرانوالہ سے واقعہ کی رپورٹ طلب کر لی ہے۔
