ساہیوال (نمائندہ نوائے وقت) نواحی گاؤں میں واردات کےلئے آنے والا ڈاکو اپنے ہی ساتھیوں کی فائرنگ سے مارا گیا، مقدمہ درج۔ تفصیلات کے مطابق نواحی گاؤں81/5-R میں رات 12بجے کے قریب 3 نامعلوم ڈاکو دیہاتی محمد فریاد کے گھر میں گھس آئے اور گھر میں موجود افراد کو یرغمال بنا کر 17ہزار روپے نقدی لوٹ لی۔ اس دوران محمد عثمان نے فون پر ہمسایوں کو اطلاع کر دی۔ دیہاتی اکٹھے ہوئے تو ڈاکوؤں نے فائرنگ کر دی۔ ایک ڈاکو چھت پر تھا اور اپنے ہی ساتھیوں کی فائرنگ سے مارا گیا جبکہ دیگر 2 ڈاکو فرار ہو گئے۔