شیخوپورہ (نمائندہ خصوصی) مسلم لیگ ن کے ضلعی صدر سابق ایم پی اے عارف خان سندھیلہ نے کہا  کہ آصف علی زرداری پیپلز پارٹی اور مسلم لیگ ن کے مشترکہ امیدوار تھے جو بھاری اکثریت سے دوسری مرتبہ صد ر مملکت منتخب ہوئے  آصف علی زرداری نے ہمیشہ مفاہمت کی سیاست کو فروغ دیا ہے۔ آصف زرداری کے صدر منتخب ہونے سے  اسمبلیاں  5سالہ مدت پوری کریں گی۔ مسلم لیگ ن نے آصف علی زرداری کو ووٹ دے کر میثاق سیاست کی بنیاد رکھ دی ہیں  انہوں  نے کہاکہ مسلم لیگ ن کے قائد میاں نواز شریف نے پیپلز پارٹی کو وفاقی کابینہ میں شمولیت کی دعوت دی ہیں امید ہے صدر زرداری اس دعوت کو قبول کریں گے۔