لاہور(سپورٹس رپورٹر ) پشاور زلمی کے مڈل آرڈر بیٹر رومین پاؤل نے کہا ہے کہ بابر اعظم کی بطور کپتان حکمت عملی بہت شاندار ہے ۔ ٹیم میں ہر کھلاڑی کا کردار واضح ہے اور وہ اس کو بخوبی نبھا رہا ہے ۔ پاکستان سپر لیگ ویسٹ انڈین کھلاڑیوں کیلئے بہت اہم ہے اور مقامی کھلاڑیوں سے مقابلے کا معیار اور بڑھ جاتا ہے ۔ جب بابر اعظم اور صائم ایوب کھیل رہے تھے تو ہدف 230 تک ذہن میں تھا ، جب وکٹیں گریں تو پھر سوچا کہ 200 کا ہدف ذہن میں رکھیں۔ بابر اعظم بھی انسان ہے، وہ کبھی ناکام بھی ہو سکتے ہیں، بطور کپتان ان کی حکمت عملی بہت شاندار ہے اور پلے آف کیلئے کوالیفائی کرنے میں ان کا بہت کردار ہے ۔ بابر اعظم پاکستان کے سپر سٹار ہیں ، ان کی وجہ سے پشاور زلمی کی فین فالوونگ بڑھ گئی ہے۔ راولپنڈی کا کراوڈ بہت زبردست ہے، کاش اس کراوڈ کو ہم کراچی بھی لے جاتے۔