بیروت(آئی این پی ) جنوبی لبنان پر  اسرائیل  کے حملے میں چار افراد شہید اور نو دیگر زخمی ہوگئے۔  جنوبی لبنان پر اسرائیلی جارحیت میں ملبے کے نیچے سے تین افراد کی نعشیں  باہر نکالی گئیں جبکہ غاصب  اسرائیلی حکومت کے جنگی طیاروں نے جنوبی لبنان میں خربہ سلم پر بھی بمباری کی۔اس سے قبل اس حملے میں سات افراد کے زخمی ہونے کا اعلان کیا گیا۔ غاصب اسرائیلی  حکومت، حزب اللہ اور تحریک مزاحمت سے جنگ سے گریز کرتے ہوئے رہائشی علاقوں کو نشانہ بنا رہی ہے۔ جنگ غزہ اور پھر حزب اللہ لبنان کے ساتھ ہونے والی جھڑپوں اور  اسرائیلی  جارحیت میں اب تک ہزاروں افراد شہید ہوچکے ہیں۔