موڑکھنڈا(نامہ نگار) دو خطرناک ڈاکو اپنے ہی ساتھیوں کی فائرنگ سے ہلاک‘ ملزم شاہد اور سلامت کو تھانہ مانگٹانوالا پولیس نے اسلحہ سمیت گرفتار کیا تھا۔گزشتہ شب برآمدگی کے لیے ملزموں کو لیکر جارہی تھی کہ ملزموں کے ساتھیوں نے ملزموں کو چھڑانے کی کوشش کی جس پر ڈاکو اپنے ہی ساتھیوں کی جانب سے کی جانے والی فائرنگ کی زد میں آگئے۔ملزموں نے 29 دسمبر کو تھانہ مانگٹانوالا میں سینٹری سٹور پر ڈکیتی کی واردات کی تھی۔ دن دیہاڑے واردات کے دوران ایک بھائی الیاس قتل جبکہ دوسرابھائی ریاض کو شدید زخمی کر کے فرار ہو گئے تھے۔