آغا کلیم نے ورلڈ موئی تھائی چیمپئن شپ جیت لی
لاہور(سپورٹس رپورٹر) پاکستان کک باکسر آغا کلیم نے ورلڈ موئی تھائی چیمپئن شپ 2024 کا ٹائٹل اپنے نام کرلیا۔بائیس سالہ پاکستانی باکسر نے قزاقستان کے کک باکسر کو شکست دیکر 51 کے جی سینئر کیٹیگری میں گولڈ میڈل حاصل کیا۔فائٹ کے دوران آغا کلیم کے پاس کوچ بھی موجود نہ تھا، اٹلی کے کوچ نے فائٹ کے دوران آغا کلیم کی مدد کی۔واضح رہے کہ آغا کلیم اس سے قبل بھی کئی انٹرنیشنل مقابلے جیت چکے ہیں۔
