اسلام آباد(نیٹ نیوز) پی پی نے سینیئر رہنما رضا ربانی کو سینٹ کا ٹکٹ نہیں دیا۔ مولا بخش چانڈیو ‘ رخسانہ زبیری بھی سینٹ کے ٹکٹ سے محروم رہ گئے، صرف قرت العین مری اپنا ٹکٹ برقرار رکھ پائیں۔ تجربہ کار سینیٹرز کی جگہ پیپلز پارٹی نئے نام سامنے لے آئی، کاظم شاہ، اشرف جتوئی، ندیم بھٹو، سرفراز راجڑ، دوست علی جیسر اور مسرور احسن کو ٹکٹ مل گیا۔ مسلم لیگ ن نے سینیئر رہنما مشاہد حسین سید اور آصف کرمانی کو ٹکٹ سے محروم کر دیا جبکہ حافظ عبدالکریم بھی ٹکٹ حاصل نہ کرسکے۔مسلم لیگ ن کے سینیٹر رانا محمودالحسن اس بار پیپلز پارٹی کے ٹکٹ پر سینیٹ کا الیکشن لڑیں گے۔پی ٹی آئی بھی پیچھے نہ رہی اور سینٹ میں اپنے اپوزیشن لیڈر ڈاکٹر شہزاد وسیم اور سینیٹر ولید اقبال کو ٹکٹ سے محروم کر دیا۔