شیخوپورہ (نمائندہ خصوصی) شمالی وزیرستان کے علاقہ میر علی میں لیفٹیننٹ کرنل،کیپٹن اور 5جوانوںکی شہادت پر اظہار افسوس اور لواحقین کیلئے صبر جمیل کی دعا کرتے ہوئے چیئر مین پی ٹی آئی این اختر اقبال ڈارنے کہا کہ جام شہادت نوش کرنے والے پاک فوج کے جوانوں کو خراج عقیدت پیش کرتے ہیں۔ یہ پاکستان کے محافظ نوجوان ہمارا قیمتی اثاثہ اور پاک فوج کے ماتھے کا جھومر ہیں۔ جغرافیائی سرحدوں کی حفاظت کیلئے کمر بستہ ہیں۔ انہوں نے کہاکہ آج پوری قوم متحد ہو کر پاک فوج کے شانہ بشانہ کھڑی ہے کیونکہ ان کی شہادتوں کے باعث ہم سکھ اور چین کی نیند سو رہے ہیں اور اپنے مذہبی دینی فرائض آزادی کے ساتھ ادا کر رہے ہیں۔