سرگودھا(این این آئی)بھٹہ خشت پر مٹی کا تودا گرنے سے اس تلے دب کر مزدور کے دو بچے جاں بحق، بیوی دو بچیوں سمیت شدید زخمی ہو گئی جن کو ریسکیو کر کے ہسپتال منتقل کر دیا گیا اور پولیس نے موقع پر پہنچ کر واقعہ کی تحقیقات شروع کر دی۔زرائع کے مطابق قصبہ روشن والا کے علاقہ 247 ر ب میں بھٹہ مزدور خاندان مزدوری میں مصروف تھا کہ مٹی کا تودا گرنے سے اس تلے دب کر مزدور اشرف کے دو بچے 5 سالہ طیب،10 سالہ علی حسنین موقع پر جاں بحق اور بیوی اپنی دو بچیوں سمیت شدید زخمی ہو گئی جن کو ریسکیو کر کے ہسپتال منتقل کردیا گیا اور تھانہ روشن والا موقع پر پہنچ کر تحقیقات میں مصروف ہے۔