اسلام آباد (نوائے وقت رپورٹ+ اپنے سٹاف رپورٹر سے) وفاقی بیوروکریسی میں اعلیٰ سطح پر تقرر و تبادلے کر دیئے گئے۔ اعزاز اسلم ڈار سیکرٹری موسمیاتی تبدیلی تعینات کر دیئے گئے۔ گریڈ 22 کے اعزاز اسلم ڈار اسٹیبلشمنٹ ڈویژن میں او ایس ڈی تھے۔ گریڈ 21 کے علی طاہر ایڈیشنل سیکرٹری انچارج سائنس اینڈ ٹیکنالوجی لگا دیئے گئے۔ علی طاہر اسٹیبلشمنٹ ڈویژن میں سپیشل سیکرٹری تعینات تھے۔ سیکرٹری سائنس اینڈ ٹیکنالوجی علی رضا بھٹہ کو اسٹیبلشمنٹ ڈویژن رپورٹ کرنے کی ہدایت کر دی گئی۔ انفارمیشن گروپ کے آفیسر مبشر حسن پرنسپل انفارمیشن آفیسر تعینات کر دیئے گئے۔ نوٹیفکیشن جاری کر دیئے گئے۔