یوم پاکستان تجدید عہد کادن ہے:عارف سندھیلہ
شیخوپورہ(نمائندہ نوائے وقت)پاکستان مسلم لیگ (ن ) کے ضلعی صدر و سابق رکن صوبائی اسمبلی محمد عارف خان سندھیلہ نے کہا ہے کہ وقت کا تقاضا ہے کہ ہم شاعر مشرق علامہ محمد اقبال کے افکار اور بانی پاکستان قائداعظم کے سنہری اصولوں کے مطابق ریاست پاکستان کو ایک عظیم مملکت بنانے کا خواب شرمندہ تعبیر کریں اور جس کے واسطہ ہمیں بحیثیت قوم اتحاد، عقیدہ، نظم و ضبط کو اپنانا ہوگا (ن) لیگ اپنے قائد میاں محمد نواز شریف کی قیادت میں ملکی استحکام و ترقی کی خاطر بھرپور کردار ادا کررہی ہے، اپنے ایک بیان میں محمد عارف خان سندھیلہ نے کہا کہ یوم پاکستان تجدید عہد کادن ہے جس طرح ہمارے آبائو اجداد نے پاکستان کے حصول کیلئے مشکلات کا سامنا کیا اس طرح ہمیں ایک قوم بن کر تمام مشکلات کا سامنا کرنا ہے ۔
