قصور(نمائندہ نوائے وقت) قصور ونواح میں متعدد شہری لٹ گئے۔ ۔ تھانہ الہ آباد میں عمر فاروق نے اطلاع دی ہے کہ واپڈ آفس گہلن کے قریب دوڈاکوؤں نے 2.25 لاکھ روپے و دیگر سامان چھین لیا۔ تھانہ سٹی چونیاں میں شبیر نے اطلاع دی ہے کہ تین ڈاکو نقدی ، دو چاندی کی انگوٹھیاں،موبائل و دیگر سامان لوٹ کر لے گئے ہیں۔ عبدالمجید نے تھانہ تھہ شیخم میں اطلاع دی کہ ٹوڈے پور میرے گھر سے چور چار توڑے چاول لے گئے۔ افتخار احمد نے تھانہ صدر پھولنگر میں اطلاع دی ہے کہ دینا ناتھ قبرستان کے قریب دوڈاکوؤں نے 60 ہزار روپے و دیگر سامان لوٹ لیا۔ تھانہ مصطفی آباد میں حفیظ احمد نے اطلاع دی ہے کہ پل نہر کے قریب تین ڈاکوؤں نے نقدی اور موٹر سائیکل چھین لی۔ حمزہ سعید نے تھانہ صدر میں اطلاع دی کہ کھیم کرن رنگ پور اڈا کے قریب تین ڈاکوؤں نے 45 ہزار روپے، دو موبائل و دیگر سامان لوٹ لیا ہے۔تھانہ بی ڈویژن قصور میں صفدر نے اطلاع دی ہے کہ بائی پاس کے قریب دوڈاکو واٹر پمپ،پمپ ایکشن چھین کر فرار ہوگئے ہیں۔پولیس مقدمات درج کرکے مصروف کارروائی ہے۔