طارق بگٹی کی وقار یونس سے ملاقات، علاج و ایکشن کی یقین دہانی
لاہور (سپورٹس رپورٹر ) پاکستان ہاکی فیڈریشن کے صدر طارق بگٹی نے جناح ہسپتال لاہور میں گول کیپر وقار یونس کی عیادت کی۔ پی ایچ ایف کے صدر نے گول کیپر وقار یونس کو علاج میں مکمل تعاون کی یقین دہانی کرائی۔ پاکستان ہاکی فیڈریشن کے صدر طارق بگٹی نے کہا کہ وقار یونس قومی ٹیم کے ہیرو ہیں، انہیں ہم تنہا نہیں چھوڑیں گے، گول کیپر وقار یونس کا ہر طرح سے خیال رکھا جائے گا۔ مینجمنٹ سے جس نے بھی کوتاہی کی ایکشن لیا جائیگا۔ وقار یونس نے کہا کہ طارق بگٹی میرے کیریئر کے پہلے صدر ہیں جو زخمی کھلاڑی کے پاس آئے، یقین دہانی کرائی گئی ہے کہ مجھے میرے واجبات ملیں گے۔ وقار یونس اولمپک کوالیفائنگ رانڈ میں گھٹنے کی انجری کی وجہ سے ایونٹ سے باہر ہو گئے تھے۔
