سعودی عرب،بریدہ میں آتشزدگی 4 افراد جاں بحق، ایک زخمی
اسلام آباد (اے پی پی)سعودی عرب کے شہر بریدہ میں واقع گھر میں آتشزدگی کے نتیجے میں 4 افراد جاں بحق جبکہ ایک زخمی ہو گیا ۔ اردو نیوز کے مطابق محکمہ شہری دفاع کے جاری بیان میں کہا گیا ہے کہ بریدہ میں واقع گھر میں آتشزدگی کے نتیجے میں 4 افراد جاں بحق جبکہ ایک زخمی ہو گیا ہے۔ امدادی ٹیموں نے ایک زخمی کو طبی امداد کے لیے ہسپتال منتقل کر دیا ہے۔ مزید کہا گیا کہ آتشزدگی سے متعلق ضابطے کی قانونی کارروائی مکمل کرلی گئی۔محکمے نے آتشزدگی کے واقعات کی روک تھام کے لیے گھروں میں آگ بجھانے کے آلات، اسموک ڈیٹیکٹر سمیت ضروری اشیا رکھنے پر زور دیا ہے۔
