لاہور‘ننکانہ‘بچیکی(نامہ نگار ان) پولیس مقابلوں میں 3ڈاکو ہلاک جبکہ4 فرار ہونے میں کامیاب ہو گئے ۔ نواب ٹاؤن میں 4 ڈاکو ایک شہری سے واردات کر کے فرار ہوگئے۔ ریسکیو15 کی اطلاع کے بعد ستوکتلہ پولیس نے ڈاکوؤں کا تعاقب کیا۔ڈاکوؤں نے پولیس کو دیکھتے ہی فائرنگ کر دی جبکہ پولیس نے جوابی فائرنگ کی۔جس سے 2 ڈاکو مارے گئے ۔ننکانہ صاحب ‘تھانہ بڑا گھر پولیس نے بچیکی بچیانہ روڈ پرسپیشل ناکہ بندی کر رکھی تھی کہ پولیس ٹیم نے تین موٹر سائیکل سوار مشکوک افراد کو رکنے کا اشارہ کیا موٹر سائیکل سوار رکنے کی بجائے پولیس پر فائرنگ کرتے ہوئے بچیکی سے ننکانہ روڈ پر فرار ہو گئے پولیس نے ملزموں کا تعاقب کیا تو ملزمان نے موٹر وے لنک روڈ پر پولیس پر سیدھی فائرنگ کر دی پولیس ٹیم نے حق حفاظت خود اختیار میں جوابی فائرنگ کی اور فائرنگ کے تبادلہ کے دوران ایک ڈاکو اپنے ہی ساتھیوں کی فائرنگ سے ہلاک جبکہ دو فرار ہو گئے۔