شیخوپورہ(نامہ نگارخصوصی+ نمائندہ نوائے وقت) تھانہ بھکھی کے علاقہ فیصل آباد روڈ کی آبادی جیون پورہ کلاں کے رہائشی سنگ دل باپ محمد نشان اور اسکے بیٹوں عمر وغیرہ نے بیوی اور بیٹی سے ملکر چھڑیوں کے وار کر کے اپنے حقیقی24سالہ بیٹے کو قتل کر دیا، مقدمہ مدعیہ عائشہ الیاس کے مطابق 75 لاکھ روپے میں مکان فروخت ہو ا تھا جس میں میرے مقتول شوہر شہزاد نے گھر کی تعمیر پر 10 لاکھ روپے لگائے تھے جائیداد سے رقم کا حصہ مانگنے پر ملزمان عمر ، شعیب ،نشان ولد لطیف،تنذیلہ دختر نشان نے حملہ کر کے میرے شوہر کو چھڑی کے پے در پے وار کر کے زخمی کر دیا میں اپنے شوہر کو بچانے کیلئے آگے بڑھی تو ملزموں نے مجھ پر بھی چھڑی سے وار کر دیا تو میرے ہاتھ کی چھوٹی انگلی کٹ گئی میرا شوہر زخموں کی تاب نہ لاتے ہوئے جاں بحق ہو گیا اور دوران لڑائی جھگڑا ملزم نشان بھی زخمی ہو گیا ریسکیو اہلکاروں نے زخمیوں کو طبعی امداد فراہم کی اور نعش کو بھکھی پولیس کی تحویل میں دے دیا پولیس نے باپ بیٹوں سمیت 3 افراد کو حراست میں لیکر مقدمہ درج کر دیا۔