لاہور(سپورٹس رپورٹر)ایشین کرکٹ کونسل نے ویمنز کرکٹ ایشیا کپ کا شیڈول جاری کر دیا۔8 ٹیموں پر مشتمل ویمنز ایشیا کپ 19 سے 28 جولائی تک دمبولا، سری لنکا میں ہوگا۔پاکستان اور بھارت کی ٹیمیں ایک ہی گروپ میں شامل ہیں۔ یو اے ای اور نیپال بھی پاکستان اور بھارت کیساتھ گروپ اے میں شامل ہیں۔گروپ بی میں سری لنکا، بنگلہ دیش ، ملائیشیا اور تھائی لینڈ کی ٹیمیں کو شامل کیا گیا ہے۔پاکستان ویمنز ٹیم پہلا میچ 19 جولائی کو نیپال کیخلاف کھیلے گی جبکہ پاکستان اور بھارت کے درمیان میچ 21 جولائی کو ہوگا۔پاکستان ویمنز ٹیم گروپ کا تیسرا میچ 23 جولائی کو یو اے ای کیخلاف کھیلے گی۔ایونٹ کے دونوں سیمی فائنل 26 جولائی جبکہ فائنل 28 جولائی کو ہوگا۔