لاہور(سپورٹس رپورٹر )کرکٹ آسٹریلیا نے پاکستان کے دورے کا شیڈول جاری کردیا۔پاکستان اورآسٹریلیا کے درمیان3ون ڈے اور 3 ٹی ٹونٹی میچز کی سیریز 4 نومبر سے شروع ہوگی۔کرکٹ آسٹریلیا کی جانب سے جاری شیڈول کے مطابق سیریز کے تمام ون ڈے انٹرنیشنل میچز ڈے اینڈ نائٹ میں ہوں گے جبکہ پاکستان اور آسٹریلیا کے درمیان تینوں ٹی ٹونٹی میچز رات کو کھیلے جائیں گے۔شیڈول کے تحت دونوں ٹیموں کے درمیان پہلا ون ڈے 4 نومبر کو میلبورن میں، دوسرا ون ڈے 8 نومبر کو ایڈیلیڈ میں اور تیسرا 10 نومبر کو پرتھ میں کھیلا جائیگا۔ شیڈول میں بتایا گیا ہے کہ پاکستان اور آسٹریلیا کے درمیان ٹی ٹونٹی سیریز 14 نومبر سے برسبین میں شروع ہوگی، دونوں ٹیموں کے درمیان دوسرا ٹی ٹونٹی 16 نومبر کو سڈنی اورآخری 18 نومبرکو ہوبارٹ میں کھیلا جائیگا۔