پشاور (بیورو رپورٹ) فرنٹیئر کانسٹیبلری اور فرنٹیئر کور سمیت وزارت دفاع کے مختلف اداروں میں 11767 اسامیوں پر بھرتی کی منظوری دیدی گئی ہے۔ فرنٹیئر کانسٹیبلری میں 2425 آسامیوں پر بھرتیاں خیبر پختونخوا، قبائلی اضلاع سے کی جائیں گی، فرنٹیئر کور پشاور میں 1445، آسامیوں پر بھرتیاں کی جائیں گی۔ فرنٹیئر کور بلوچستان میں 6388 آسامیوں پر، پاکستان آرمی سول میں 963آسامیوں پر، گلگت بلتستان سکائوٹس میں 454آسامیوں پر، پاکستان آرمی میس آفس میں 92آسامیوں کی منظوری اسٹیبلشمنٹ ڈویژن نے دیدی ہے۔ فرنٹیئر کور پشاور میں 1445آسامیوں اور فرنٹیئر کانسٹیبلری میں 2425آسامیوںپر بھرتی کا آغاز عید الفطرکے بعد کیا جائے گا۔