گوجرانوالہ(نمائندہ خصوصی)ایف آئی اے نے انسانی سمگلرز کیخلا ف کریک ڈائون کے دوران  لیبیا کشتی حادثہ کے ملزم سمیت تین کوگرفتار کر لیا۔ایف آئی اے کی ٹیموں نے مختلف علاقوں میں چھاپہ مار کارروائیوں کے دوران لیبیا کشی حا دثہ میں ملوث ایجنٹ محمد سرور کو تین مختلف مقدمات میں گرفتار کر لیا۔ملزم نے تین افراد کو غیر قانونی طور پر اٹلی بھجوایا جن میں سے دو نوجوان لیبیا کشتی حا دثہ میں جاں بحق ہوئے تھے جبکہ ایف آئی اے کی ٹیم نے ڈسکہ سے نوجوان کو غیر قانونی طور پر لیبیا بھجوانے والے ملزم جمیل کو گرفتار کر لیا ملزم جمیل نے شکایت کنندہ کے بھائی کوملازمت ویزا پر اٹلی بھجوانے کیلئے 27 لا کھ 50 ہزار روپے رقم وصول کی تھی ملزم کیخلاف 2018 میں مقدمہ درج کیا گیا تھانوجوان کو لیبیا سے واپس پاکستان ڈیپورٹ کر دیا گیا تھا گوجرانوالہ سرکل ایف آئی اے نے ایک اور کاروائی کے دوران حوالہ ہنڈی میں ملوث ملزم شاہ زیب سکنہ سیالکو ٹ کو بھی ایف آئی اے کی ٹیموں نے گرفتار کر لیا ملزم شاہزیب نے بیرون ملک ملازمت کا جھانسہ دے کر شہری سے 10 لاکھ روپے بٹورے تھے۔