لاہور(نامہ نگار)جوہر ٹاؤن میں کار بے قابو ہو کر درخت سے ٹکرانے سے دو افراد جاں بحق جبکہ ایک شخص شدید زخمی ہو گیا۔ جوہر ٹاؤن میں کینال روڈ پر وفاقی کالونی کے قریب تیز رفتار کار بے قابو ہو کر درخت سے ٹکرا گئی۔جس کے نتیجے میں کار مکمل طور پر تباہ ہو گئی اور اس میں سوار دو افراد موقع پردم توڑ گئے اور تیسرا زخمی ہوگیا۔ حادثہ تیزرفتاری کے باعث پیش آیا۔اطلاع ملنے پر ریسکیو ٹیموں نے جائے وقوعہ پر پہنچ کر شدید زخمی شخص کو طبی امداد کے لئے جناح ہسپتال منتقل کر دیا ۔