لاہور (سپورٹس رپورٹر)پاکستان کرکٹ بورڈ نے قومی ٹیم کے کوچز کیلئے اشتہار دیدیا۔پاکستان کرکٹ بورڈ قومی ٹیم کے کوچز کا تاحال فیصلہ نہیں کر سکا، قومی ٹیم کے کوچز کیلئے پی سی بی نے نامور غیر ملکی کرکٹرز سے رابطے کیے تھے، جن میں آسٹریلیا کے شین واٹسن، جسٹن لینگر اور مائیک ہیسن سے بھی رابطہ کیا گیا تھا لیکن وہ بھی پیشکش سے انکار کرچکے ہیں۔اب پی سی بی نے ہیڈ کوچ کیلئے ورلڈکپ جیتنے والے کوچ گیری کرسٹن اور بائولنگ کوچ کیلئے آسٹریلیا کے جیسن گلیسپی سے رابطہ کیا ہے، جس کے بعد ان کیساتھ معاملات طے پانے کا امکان ہے تاہم حال ہی میں پی سی بی نے اپنی ویب سائٹ پر قومی ٹیم کے کوچز کیلئے اشتہار بھی جاری کیا جس میں بورڈ کو ریڈ اور وائٹ بال ہیڈ کوچز کی تلاش ہے۔ ریڈ بال اور وائٹ بال کیلئے الگ الگ درخواستیں جمع کروانے کی آخری تاریخ 15 اپریل رکھی گئی ہے۔