فیروزوالہ( نامہ نگار)  ڈکیتی، راہزنی اور چوری کی متعدد وارداتوں میں ڈاکوؤں کی لوٹ مار ڈاکوؤں نے مزاحمت کرنے پر خاتون سمیت تین افراد کو زخمی کر دیا۔ لاہور سے ندیم احمد بیوی کے ہمراہ موٹر سائیکل پر شیخوپورہ جا رہے تھا کہ راستے میں ڈاکووں نے لوٹنے کی کوشش کی تو ندیم نے موٹر سائیکل کو بھگا دیا‘ ڈاکوؤں نے میاں بیوی کا تعاقب کیا‘ قلعہ ستار شاہ کے قریب مدینہ کالونی کے سامنے توازن کھو جانے کے باعث نازیہ بی بی موٹر سائیکل سے گر کر قلا بازیاں کھاتی ہوئی ڈیوائیڈرسے ٹکرا گئی‘ڈاکوؤںنے زخمی خاتون اور اسکے شوہر سے ہزاروں روپے اور قیمتی موبائل چھین کر فرار ہو گئے۔ مضروبہ خاتون کے شوہر نے ریسکیو اہلکاروں کی مدد سے 32 سالہ اہلیہ کو ہسپتال منتقل کیا۔ ڈاکو جی ٹی روڈ پر افتخاراحمد سے 10 لاکھ روپے چھین کر فرار ہو گئے۔ ڈاکو اسی علاقہ میں عثمان اور کبیر احمد سے 2 لاکھ روپے اور چار موبائل چھین کر لے گئے ۔ ڈاکو ناکہ لگا کر چار افراد خلیل احمد ،ارشد اور وارث سے ہزاروں روپے اور تین موبائل چھین کر لے گئے۔ ڈاکوؤں نے مزاحمت پر دو افراد ارشد اور اس کے ساتھی کو زخمی کر دیا اور فرار ہو گئے۔