لاہور ( خصوصی نامہ نگار ) مولانا عبدالستار خان نیازی ٹرسٹ کے مرکزی صدر جمعیت علمائے پاکستان کے سینئر رہنما علامہ شبیر قادری نے یوم علی کی تقریب سے خطاب کرتے ہوئے کہا اتحاد امت کیلئے حضرت علیؓ کی سیرت و کردار مشعل راہ ہے۔ حب علیؓ درحقیقت رسول کریم سے محبت ہے۔ حضرت علیؓ نے ساری زندگی حضور سے وفا اور اسلام کی سربلندی کیلئے وقف کر رکھی تھی۔ حضرت علیؓ کی محبت ایمان کی کسوٹی ہے ۔منافق علیؓ سے محبت نہیں کر سکتا اور مومن علیؓ سے بغض نہیں رکھ سکتا۔حضرت علیؓ ہمیشہ حق پر رہے کیونکہ حضرت علیؓ رسول کریمؐ کے تربیت یافتہ تھے۔ حضرت علیؓ کو کفار بھی امین سمجھتے تھے۔ حضرت علیؓ کی بہادری شجاعت ڈنکے عرب و عجم میں بچتے تھے۔ آپ حق و صداقت کا نشان اور پیکر عدل و انصاف تھے۔