لاہور(سپورٹس رپورٹر)کاکول میں پاکستان کرکٹ ٹیم کے فٹنس کیمپ میں کھلاڑیوں کے درمیان رسہ کشی کا مقابلہ ہوا۔ کپتان بابراعظم کی ٹیم میں اعظم خان توجہ کا مرکز بنے رہے۔پاکستان کرکٹ ٹیم فٹنس کیمپ کاکول میں جاری ہے جہاں کھلاڑی دو سیشنز میں فٹنس کو بہتر بنانے کیلئے ڈرلز کرتے ہیں، کیمپ میں قومی کرکٹرز کے درمیان ٹگ آف وار کا مقابلہ ہوا، شاداب خان نے سوشل میڈیا پر مقابلے کی ویڈیو شیئر کی جو وائرل ہو گئی۔کپتان بابر اعظم کی ٹیم میں اعظم خان شامل تھے جنہوں نے خوب زور لگایا، ویڈیو کے کیپشن میں شاداب خان نے اعظم خان کی طاقت کی تعریف کرتے ہوئے لکھا ہے کہ کنگ آف سٹرینتھ، اسی لیے تو بڑے چھکے مارتا ہے۔