قصور+ سرائے مغل(نمائندہ نوائے وقت+ نامہ نگار)ٹریفک حادثات میں 2 افراد جاں بحق ہو گئے۔26/25سالہ ملک عامر موٹر سائیکل پر جارہا تھاکہ بائی پاس کے قریب تیز رفتار مرغیوں سے لوڈڈ ڈالے سے ٹکرا گیا جس کے نتیجہ میں وہ شدید زخمی ہوگیا زخمی کو علاج کے لیے بلھے شاہ ڈسٹرکٹ ہسپتال قصور لایا گیا مگر حالت تشویشناک ہونے پر اسے لاہور جنرل ہسپتال ریفر کردیا گیا جو جانبر نہ ہو سکا اور زخموں کی تاب نہ لاتے ہوئے دم توڑ گیا۔پولیس تھانہ صدر قصور مصروف کاروائی ہے جبکہ نواحی گاوں جمبر کلاں کا رہائشی 40 سالہ عنایت علی موٹر سائیکل پر گاوں واپس جا رہا تھا ملتان روڈ پر پیچھے سے آنیوالے تیز رفتار مزدا ٹرک کے ڈرائیور نے ٹکر مار دی جس کے نتیجہ میں عنایت علی موقع پر دم توڑ گیا ۔ ریسکیو 1122نے نعش کو مقامی ہسپتال پہنچا دیا۔