لاہور(نامہ نگار)شہر کے مختلف علاقوں میں تین مقامات پر آتشزدگی سے عمارتیں منہدم ہونے کے باعث کمسن بچی اور ایک خاتون سمیت تین افراد جھلسنے اورملبے تلے دبنے سے جاں بحق جبکہ ایک بچی شدید زخمی ہو گئی ہے۔ جلو موڑ کے قریب ایک گھر میں آگ لگنے کے باعث چھت گرنے کی وجہ سے دو کمسن بہنیں 8سالہ علینہ اور 10 سالہ عمیرہ ملبے تلے دب گئیں۔زخمی عمیرہ کو طبی امداد کیلئے ہسپتال منتقل کر دیا گیا۔ گڑھی شاہو کے علاقے سوامی نگر کو اپ سٹور کے قریب ایک گھر میں آگ لگنے سے 55 سالہ خاتون رخسانہ جھلس کر جاں بحق ہوگئی ہے ۔آگ کی زد میں آکر لاکھوں روپے مالیت کا سامان جل کر تباہ ہو گیا ہے۔دریں بند روڈ پر کھوکھر ٹاؤن میں جوتے بنانے والی فیکٹری میں آتشزدگی کی وجہ سے عمارت کا ایک حصہ گر گیا۔ اور ملبے تلے دب کر ایک شخص 65سالہ منیرجان کی بازی ہار گیا ہے۔