نوشہرہ ورکاں (نمائندہ نوائے وقت) جمعیت اشاعت توحید وسنت کے زیر اہتمام شب قدر کے موقع پر عظمت قرآن کانفرنس منعقد ہوئی۔  مفتی محمد عمر رحمانی نے خطاب کرتے ہوئے کہا کہ رمضان المبارک رحمت مغفرت اور جہنم سے آزادی کا مہینہ ہے اس مہینے جہنم کے دروازے بند اور جنت کے تمام دروازے کھول دیئے جاتے ہیں۔ شیاطین کو قید کر دیا جاتا ہے سب سے اعلیٰ مہینے رمضان المبارک میں سب سے اعلیٰ پیغمبر  پر سب سے اعلیٰ امت کے لئے سب سے اعلیٰ رات شب قدر میں سب سے اعلیٰ کتاب قرآن مجید نازل کی گئی جس پر عمل دنیا و آخرت میں کامیابی کی ضمانت ہے رمضان المبارک کے چند دن باقی ہے ہمیں چاہیے کہ خلوص نیت سے اپنے گناہوں اور نافرمانیوں کی توبہ کریں۔  کیونکہ اللہ کی رحمت کی کوئی انتہاء نہیں مشکل کشاء معاف کرنے والا حاجت روا عزت و ذلت دینے والا معاف کرنے کا بہانے ڈھونڈتا ہے جب گناہ گار توبہ کرتا ہے تو اللّٰہ تعالیٰ بہت خوش ہوتا ہے اور اللہ پاک کی رضا ہی دائمی کامیابی ہے۔