لاہور(سپورٹس رپورٹر) نیوزی لینڈ ویمن نے تیسرے اور آخری ون ڈے میچ میں انگلینڈ ویمن کو 7 وکٹوں سے ہرا دیا ۔ سیریز 1-2 سے انگلینڈ کے نام رہی۔ہملٹن میں کھیلے گئے میچ میں انگلینڈ کی خواتین ٹیم 46.3اوورز میں 194 رنز بنا کر آئوٹ ہو گئی ، ایمی جونز 50رنز بنا کر نمایاں رہیں ۔ جیس کیر اور ہیناں رو نے تین ، تین وکٹیں حاصل کیں ، نیوزی لینڈ ویمن نے ہدف 39 اوورز میں 3 وکٹوں پر حاصل کر لیا ۔سوفی ڈیوائن نے ناقابل شکست 100 رنز بنائے ، انہیں پلیئر آف دی میچ قرار دیا گیا ، انگلینڈ کی ایمی جونز سیریز کی بہترین کھلاڑی قرار پائیں ۔