گوجرانوالہ(نمائندہ خصوصی)مسلم لیگ ن کی ممبر قومی اسمبلی کا آبائی شہر پہنچنے پر شاہانہ استقبال،ملکی و غیر ملکی کر نسی کے نوٹ نچھاور کئے گئے،کارکنوں کے ڈھول کی تھاپ پر بھنگڑے۔پھولوں کی پتیاں بھی نچھاور کی گئیں۔تفصیلات کے مطابق مسلم لیگ ن کی مخصوص نشست پر ایم این اے منتخب ہو نیوالی شازیہ فرید حلف اٹھا نے کے بعد اپنے آبائی حلقہ پہنچیں تو کا رکنوں کی بڑی تعداد نے انکا فقید المثال استقبال کیا ڈھول کی تھاپ پر بھنگڑے ڈالے اور ڈالر ،یورو ،سمیت ملکی کرنسی کے نوٹ نچھاور کئے گئے ۔اس موقع پر ایم این اے شازیہ فرید نے آبائی حلقے پہنچنے پر فقید المثال پر کا رکنوں کا شکریہ ادا کر تے ہوئے کہا کہ اللہ تعالی نے انہیں رمضان المبارک میں اعزاز بخشا ہے پا رٹی قیادت میاں نواز شریف ،شہباز شریف ،مریم نواز ،حمزہ شہباز اور پا رلیما نی بورڈ نے مخصوص نشست پر ایک ورکر کو عزت بخشی ہے۔