لاہور(سپورٹس رپورٹر)نیوزی لینڈ کرکٹ نے انگلینڈ کیخلاف ٹیسٹ سیریز کے شیڈول کا اعلان کر دیا۔نیوزی لینڈ کرکٹ کا کہنا ہے کہ نیوزی لینڈ 3ٹیسٹ میچز کیلئے انگلینڈ کی میزبانی کریگا،ٹیسٹ میچز کرائسٹ چرچ ، ویلنگٹن اور ہملٹن میں کھیلے جائیں گے۔دونوں ٹیموں کے درمیان پہلا ٹیسٹ 28نومبر، دوسرا ٹیسٹ 6دسمبر اور تیسرا ٹیسٹ 14دسمبر سے شروع ہو گا۔ آئندہ سیزن میں پاکستان اور سری لنکا کی ٹیموں نے بھی دورہ کرنا ہے۔