لاہور(سپورٹس ر پورٹر)عرفان اکرم کی قیادت میں20 رکنی لندن کرکٹ ٹیم دوستانہ میچز کھیلنے کیلئے آج صبح لاہور پہنچ رہی ہے، ٹیم منیجر عدنان اکرم کے مطابق14اپریل کو علیم ڈار کرکٹ گرائونڈ میں علیم ڈار اکیڈمی کیساتھ میچ ہوگا،15 اپریل کو پی اینڈ ٹی جم خانہ اور لندن کرکٹ ٹیم آمنے سامنے ہوں گے۔ 17 اپریل کو اظہر علی اکیڈمی اور اس کے بعد عبدالقادر کرکٹ اکیڈمی کیساتھ میچ طے ہیں۔ مہمان کھلاڑی سیالکوٹ بھی جائیں گے جہاں سیالکوٹ چیمپبر انڈسٹری کی ٹیم کیساتھ میچ کھیلاجائیگا۔اسلام آباد میں حسن رضا کرکٹ اکیڈمی کے ساتح میچ بھی پروگرام کا حصہ ہے، آخری مرحلے میں  ایبٹ آباد میں دوستانہ میچ رکھاگیاہے۔ پاکستان کا دورہ کرنیوالی ٹیم میں حارث عثمان، عبداللہ اکبر، زوریز سعید، ہیرتھ واجد، سحر اکبر،فہیم عزیز، سٹفین رمیڈل، زین شہزاد،سوہا اقبال،جان شیر اکبر،عرفان اکرم،حارث رضا،حسن علی اقبال، احسان شاہ،انتھونی سمتھ، سکات ایمنس،شاہد اکبر، عدنان اکرم اور ڈیو رمیڈل شامل ہیں۔ لاہور کے معروف اور قدیم کلب پی اینڈ ٹی جم خانہ کے روح رواں اظہر زیدی نے لندن کرکٹ ٹیم کی آمد پر خوشی کا اظہار کرتے ہوئے اس امید کا اظہار کیاہے کہ دورے سے کلب کرکٹ کے فروغ میں مدد ملے گی، پاکستانی نوجوانوں کو انٹرنیشنل کھلاڑیوں سے کھیلنے کا تجربہ حاصل ہوگا۔ مہمان کھلاڑی علیم ڈار فاونڈیشن کا دورہ بھی کریں گے۔