خضدار کی تحصیل زہری میں فائرنگ کے نتیجے میں 3افراد جاں بحق
خضدار( این این آئی) خضدار کی تحصیل زہری میں فائرنگ کے نتیجے میں 3افراد جاں بحق ہو گئے۔ تفصیلات کے مطابق خضدار کی تحصیل زہری میں ثمری چوک چشمہ کے مقام پر فائرنگ کے نتیجے میں جمیل احمد جتک ،سیف اللہ جتک سمیت تین افراد جاں بحق ہو گئے جنہیں فوری طورپر ہسپتال منتقل کر دیا گیا جہاں ضروری کارروائی کے بعد لاشیں ورثاء کے حوالے کر دی گئیں مزید کارروائی جا ری ہے ۔
