مختلف علاقوں سے 3نعشیں برآمد‘ایک کوگلا دبا کر قتل کیا گیا
لاہور(نامہ نگار) شہر کے مختلف علاقوں میں سے 3 افراد کی نعشیں ملی ہیں۔مصری شاہ کے علاقے میں سے 42 سالہ محمود احمد کی چند روز پرانی اور بوسیدہ نعش ملی ہے۔پولیس کے مطابق اسے نامعلوم افراد نے گلا دبا کر قتل کیا اور نعش یہاں پھینک کر فرار ہوگئے ہیں۔فیکٹری ایریا کے علاقے بندیاں والا پل کے قریب سے 40 سالہ ذوہیب اقبال کی نعش ملی ہے۔پولیس کے مطابق متوفی نشئی تھا۔گلشن اقبال کے علاقے میں کریم بلاک مارکیٹ کے قریب سے 55 سالہ شخص کی نعش برآمد ہو ئی ہے۔پولیس کے مطابق متوفی کی شناخت نہیں ہو سکی ہے۔اطلاع ملنے پر پولیس نے موقع پر پہنچ کر تینوں نعشیںپوسٹ مارٹم کیلئے مردہ خانے منتقل کر کے تفتیش شروع کردی ہے۔
