لاہور(سپورٹس ر پورٹر)دنیا کے نمبر ایک ٹینس سٹار سربیا کے36سالہ نوواک جوکووچ نے سخت مقابلہ کے بعد کوارٹر فائنل میں حریف کھلاڑی کو 7-5 ‘6-4 سے شکست دیکر مونٹی کارلو ٹینس ٹورنامنٹ کے سیمی فائنل میں جگہ بنالی۔سربیا کے سٹارنے رافیل نڈال کو پیچھے چھوڑتے ہوئے اے ٹی پی 1000 ایونٹس میں مردوں کے ریکارڈ 77ویں سیمی فائنل میں جگہ بنالی ہے۔جوکووچ ناروے کے آٹھویں سیڈ فرانسیسی کھلاڑی یوگو ہمبرٹ کو 6-3 4-6 6-1 سے شکست دینے کے بعد کیسپر روڈ سے کھیلیں گے۔ اطالوی سیکنڈ سیڈ جنک سنر نے ہولگر رونے کو 6-4 6-7 (6-8) 6-3 سے زیر کر کے سٹیفانوس سیٹسیپاس کیخلاف سیمی فائنل میں جگہ بنائی۔آسٹریلین اوپن چیمپئن سنراس سیزن کے تینوں اے ٹی پی ماسٹرز 1000 ایونٹس میں سیمی فائنل تک پہنچنے والے واحد کھلاڑی ہیں۔، جنہوں نے انڈین ویلز میں کارلوس الکاراز کے ہاتھوں آخری چار میں ہارنے کے بعد مارچ میں میامی اوپن جیتا تھا۔دو بار کے مونٹی کارلو چیمپئن رہنے والے یونانی 12ویں سیڈ Tsitsipas نے روسی کیرن کھچانوف کو 6-4 6-2 سے شکست دی۔جوکووچ نے لورینزو موسیٹی کیخلاف کوارٹر فائنل جیتنے کے بعد اعتراف کیا کہ انہیں یقین نہیں تھا کہ وہ اپنے "ٹاپ لیول" پر کارکردگی کا مظاہرہ کر رہے ہیں۔انہوںنے آخری بار 2015ء میں ٹائٹل جیتا تھا۔