لاہور‘فیروزوالہ(نامہ نگاران)شہر کے مختلف میں ڈاکوؤں اور چوروں نے چوری و ڈکیتی کی وارداتوں میں متعددشہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔  لاہور روڈ کی ابادی موٹروے سٹی کوٹ عبدالمالک میں ڈاکوؤں اور لقب زنوں کے گروہ نے دو شہریو ں محمد حسیب اور محمد سجاول کے گھر سے تین کروڑ روپے مالیت کے کرنسی نوٹ زیورات اور دیگر قیمتی اشیاء نکال کر لے گئے ڈاکوؤں نے اقبال ٹاؤن سے مشتاق احمد کے گھر میں گھس کر اہلخانہ کو گن پوائنٹ پر یرغمال بنا کر5 لاکھ 67 ہزار ‘زیوارات،موبائل فون دیگر سامان،گارڈن ٹاؤن میں نفیس سے 4 لاکھ‘ زیورات ‘ موبائل فون، گلشن اقبال میں خلیل سے 3 لاکھ ‘موبائل فون‘مسلم ٹاؤن میں منیب سے 2 لاکھ ‘موبائل فون، لوئرمال میں وقار سے ڈیڑھ لاکھ ‘ رائیونڈ سٹی میں پرویز سے ایک لاکھ‘ موبائل فون،سندر میں نوید سے 65ہزار‘ساندہ میں نرگس سے ایک لاکھ 5 ہزار‘ موبائل فون،کوٹ لکھپت میں اقبال سے ایک لاکھ ‘فیصل ٹاؤن میں اے ٹی ایم مشین سے پیسے نکلوا کر باہر آنے والے شہری رشید سے ایک لاکھ 42 ہزار‘موبائل فون،لاری اڈہ میں منظر سے ایک لاکھ ‘ موبائل فون،ملت پارک میں نذیر 34 ہزار ‘ موبائل فون،غازی آباد میں جہانگیر سے 6 ہزار‘ موبائل فون لوٹ لیا اور فرار ہوگئے ۔چوروں نے ڈیفنس سے،ساندہ، ہنجروال، جوہر ٹاون، مزنگ، لوئر مال سے پانچ کاریں، لٹن روڈ سے رکشہ جبکہ، شیراکوٹ، نولکھا، مصطفی ٹاون، ہنجروال، لیاقت آباد، رائیونڈ، سندر، مصطفی آباد، راوی روڈ، ساندہ، بھاٹی گیٹ سے گیارہ موٹر سائیکلیں چوری کرلی ۔