فیصل آباد (نمائندہ خصوصی) تھانہ چک جھمرہ کے علاقے میں شرابی نے گھر میں گھس کر فائرنگ کر کے نوجوان کو قتل‘ بھائی اور باپ کو زخمی کر دیا۔ تفصیل کے مطابق محلہ اسلام پورہ میں فیصل ٹائون میں دیرینہ رنجش پر شراب کے نشے میں دھت منا ڈان نامی ملزم نے شاہد محمود کے گھر گھس کر دو بیٹوں سمیت شاہد محمود باجوہ کو فائر مار دئیے۔ جنہیں ریسکیو اہلکاروں نے الائیڈ ہسپتال منتقل کر دیا تھا، جہاں وہ زیرعلاج تھے، ہسپتال میں زیرعلاج شاہد باجوہ کا بڑا بیٹا فیضان جو فائرنگ سے شدید زخمی ہوا تھا وہ زخموں کی تاب نہ لاتے ہوئے دم توڑ گیا۔ شاہد نے بتایا کہ میں مناڈان کو اپنے بچوں کے ساتھ تعلقات سے منع کرتا تھا جس کی رنجش پر اس نے یہ اقدام کیا۔ چک جھمرہ پولیس نے کارروائی کا آغاز کر دیا۔