لاہور (سپورٹس رپورٹر)اذلان شاہ ہاکی ٹورنامنٹ کے لیے پاکستان ٹیم کے ممکنہ کھلاڑیوں کا کراچی میں کیمپ لگ گیا۔ہیڈ کوچ ایاز محمود نے بتایا کہ کیمپ کے پہلے روز 35 کھلاڑیوں نے رپورٹ کیا۔ مزید کھلاڑی شام تک رپورٹ کریں گے۔کھلاڑیوں کا پہلا ٹریننگ سیشن صبح 6 بجے شروع ہوا اور ساڑھے 3 گھنٹے جاری رہا، جس میں کوچ ریحان بٹ اور محمد ثقلین نے کھلاڑیوں کو ٹریننگ کروائی۔پاکستان ٹیم 2 مئی کو ملائیشیا روانہ ہو گی جبکہ سلطان اذلان شاہ کپ 4 مئی سے شروع ہو گا۔پاکستان ٹیم ملائیشیا کے شہر ایپوہ میں پہلا پریکٹس سیشن 2 مئی کو رات 9 بجے کرے گی۔