فیروزوالہ( نامہ نگار)ڈکیتی ، راہزنی اور چوری کی متعدد وارداتوں کے دوران ڈاکوؤں کی لوٹ مار ڈاکو لاکھوں روپے نقدی اور زیورات لوٹ کر لے گئے ۔تاجر سفیان ونڈالہ پل کے قریب واقع اپنے دفتر میں ریکوری کی رقم اکٹھے کر رہا تھا کہ اچانک 4مسلح نقاب پوش ڈاکو اسلحہ مسلح ہو کردفتر میں گھس آئے جنہوں نے ملازمین سمیت تاجر کویرغمال بناکرنقدی85لاکھ روپے اوردیگر قیمتی سامان لوٹ کرفرار ہوگئے۔ لاہور روڈ کی آبادی منڈیالی کے قریب ڈاکوؤں نے اسلحہ کی نوک پر تاجرمحمد شہزاد کو رو کر لوٹ لیا ڈاکو5لاکھ55ہزارروپے نقدی چھین کر فرار ہوگئے۔ جی ٹی روڈ پر ڈاکوؤں نے عدنان کو روک کر لوٹ لیا اس سے نقدی موٹر سائیکل چھین کر لے گئے۔ لاہور روڈ پر خانپور نہر کے قریب ڈاکو نے میاں بیوی کو روک کر لوٹ لیا ان سے زیورات، نقدی اور 2 موبائل چھین کر لے گئے۔