سرگودھا، قصور :گھریلو حالات سے دلبرداشتہ 2 افراد نے خودکشی کرلی
سرگودھا،قصور (نمائندہ خصوصی+نمائندہ نوائے وقت)سرگودھا کے چک 126 جنوبی کے 38 سالہ محنت کش محمد یاسین نے سرگودھا سے کراچی جانے والی ٹرین کے آگے کود کر خودکشی کر لی۔دوسری جانب قصور کے نواح پتوکی ناروکی ٹھٹھہ پرانی منڈی کی شادی شدہ لڑکی 23 سالہ عائشہ بی بی نے چند روز قبل گھریلو ناچاقی پر زہریلی گولیاں کھائیں تھیں جسے علاج کیلئے لاہور جناح ہسپتال منتقل کیا گیا تھا جو گزشتہ روز دوران علاج ہسپتال میں دم توڑ گئی ہے۔
